Skip to content

site mode button

Kuhusu Sisi
Sera ya Faragha
Sheria na Masharti
Wasiliana Nasi

Search for:

Safari ya viwanda Zanzibar yaanzia vyuo vya amali

2 mins read

Safari ya viwanda Zanzibar yaanzia vyuo vya amali

Habari za Dharura

October 24, 2026 Admin0

Unguja. Mamlaka ya Mafunzo ya Amali (VTA) imetangaza hatua mpya ya kuijenga Zanzibar ya viwanda kupitia ushirikiano na wadau wa maendeleo pamoja na uimarishaji wa mafunzo ya amali katika vyuo vyake.

Mambo hayo yatafanikiwa baada ya utiaji saini wa makubaliano ya ushirikiano kati ya VTA na kampuni mbili za F. Living na RES Inspection zitakazosaidia kuimarisha ufundi seremala na uhunzi katika vyuo hivyo.

Akizungumza na Mwananchi kuhusu hatua hiyo Oktoba 23, 2026, Mkurugenzi wa VTA, Dk Bakari Ali Silima amesema ushirikiano huo unajumuisha kuanzishwa kwa kiwanda kikubwa cha samani kitakachokuwa na uwezo wa kuhudumia Zanzibar nzima na kuzalisha ajira zisizopungua 200 kwa wahitimu wa kozi za useremala.

“Walimu na wanafunzi watapata ujuzi wa kitaalamu wa kiwango cha juu utakaowawezesha kujitegemea, kuanzisha miradi yao wenyewe, na kuongeza fursa za ajira kwa vijana wengine,” amesema Dk Silima.

Mbali na sekta ya mbao, mkurugenzi huyo amesema VTA imeweka mkakati wa kuongeza ujuzi katika fani ya ufundi wa chuma kutoka ufundi wa kawaida wa kutengeneza mageti na madirisha hadi kwenye teknolojia za kisasa za kuunganisha mabomba ya mafuta na gesi.

Kupitia ushirikiano na wadau wanaotoa vyeti vinavyotambulika kimataifa, Dk Silima amesema vijana wa Zanzibar watapata sifa za kuwania ajira katika miradi mikubwa kama vile mradi wa bomba la mafuta kutoka Uganda hadi Tanga pamoja na kazi katika nchi za mashariki ya kati, hatua inayolenga kutanua soko la ajira la ndani na nje ya nchi.

Kwa upande wake, Waziri wa Elimu na Mafunzo ya Amali, Lela Mohamed Mussa amesema Serikali imeweka elimu ya amali kuwa mhimili mkuu wa maendeleo ya wanafunzi ili kuhakikisha wanaohitimu wanapata ujuzi wa vitendo unaowawezesha kuajirika kwa urahisi.

“Sera na sheria za elimu zimebadilishwa ili kuunganisha fani zote moja kwa moja na viwanda husika,” amesema Lela.

Katika ushirikiano na kampuni ya F. Living, wadau hao watafadhili utoaji wa vifaa vya kisasa vya uzalishaji katika Chuo cha Amali cha Mkokotoni, huku Serikali ikijenga miundombinu ya majengo ili kufanya mazoezi ya vitendo badala ya kubaki darasani.

Kuhusu ushirikiano na kampuni ya RES Inspection, Waziri amepongeza kuanzishwa kwa programu ya ziada katika fani ya uhunzi na uundaji wa mageti na milango ya chuma.

“Kutokana na Zanzibar kutokuwa na misitu minene ya mbao, mahitaji ya bidhaa za chuma ni makubwa, hivyo programu hiyo itawajengea vijana uwezo wa kufikia viwango vya kimataifa,” amesema.

Amewataka viongozi na wadau kuhakikisha makubaliano hayo yanaanza kutekelezwa mara moja na yasibaki kwenye makabati, huku akiwataka vijana kuchangamkia fursa hizo za mafunzo.

Post navigation

Previous: Aliyehukumiwa kifo kwa kumuua mkewe aachiwa huru

Next: Nyumba 35 zaezuliwa Hanang, DC awatembelea waathirika

Leave a Reply Cancel reply

Your email address will not be published. Required fields are marked *

Comment *

Name *

Email *

Website

Save my name, email, and website in this browser for the next time I comment.

Admin

Website https://thebongopost.online

Related Posts

3 mins read

Tanzania: Sauti Za Busara Unveils Line-Up, Moves Festival to March

Habari za Dharura

October 26, 2026 Admin0

Vyuo vinatafiti, Taifa linanufaika? | Mwananchi

8 mins read

Vyuo vinatafiti, Taifa linanufaika? | Mwananchi

Habari za Dharura

October 26, 2026 Admin0

Joto kali, mvua na upepo waharibu mamia ya nyumba

7 mins read

Joto kali, mvua na upepo waharibu mamia ya nyumba

Habari za Dharura

October 26, 2026 Admin0

Kuhusu Sisi
Sera ya Faragha
Sheria na Masharti
Wasiliana Nasi

News Express © 2026. All Rights Reserved.