Skip to content

site mode button

Kuhusu Sisi
Sera ya Faragha
Sheria na Masharti
Wasiliana Nasi

Search for:

Takwimu za saratani ya matiti zapaa

5 mins read

Takwimu za saratani ya matiti zapaa

Habari za Dharura

October 24, 2026 Admin0

Dar/Tanga. Wanawake tisa kati ya 10 wanaogundulika kuwa na saratani ya matiti nchini hufika hospitalini ugonjwa ukiwa katika hatua za juu, hali inayopunguza nafasi za kupata matibabu yenye matokeo mazuri.

Takwimu za wataalamu wa Hospitali ya Taifa Muhimbili (MNH) zinaonyesha kuwa asilimia 86 ya wagonjwa wa saratani ya matiti wanaofika hospitalini hugundulika wakiwa katika hatua ya tatu au ya nne ya ugonjwa huo.

Hali hiyo imeendelea kuibua wasiwasi kuhusu umuhimu wa uchunguzi wa mapema, hasa ikizingatiwa kuwa saratani hiyo inaweza kutibika kwa ufanisi zaidi inapogundulika katika hatua za awali.

Taasisi ya Saratani Ocean Road (ORCI) imesema ugonjwa huo huathiri pia wanaume, huku kukiwa na ongezeko la wagonjwa katika kundi hilo.

Takwimu za taasisi hiyo zinaonyesha idadi ya wanaume miongoni mwa wagonjwa wa saratani ya matiti imeongezeka kutoka mmoja kati ya wagonjwa 100 mwaka 2020 hadi watano kati ya 100 mwaka 2025.

Kwa mujibu wa ORCI, saratani ya matiti bado ni changamoto kubwa duniani, huku Tanzania ikishika nafasi ya pili kwa kuwa na idadi kubwa ya wagonjwa wa saratani hiyo.

Mkoani Tanga, wanawake 55 wamebainika kuwa na saratani ya matiti kati ya Januari na Agosti mwaka huu, wengi wao wakiwa katika hatua ya tatu na ya nne ya ugonjwa huo.

Mkuu wa Mkoa wa Tanga, Dk Batilda Burian, Oktoba 21, 2026, alitoa takwimu hizo huku akisisitiza umuhimu wa wananchi kuchukua hatua mapema wanapobaini mabadiliko yasiyo ya kawaida kwenye matiti.

Oktoba 17, 2026, wakati wa matembezi ya kuhamasisha wananchi kuhusu saratani ya matiti yaliyofanyika Dar es Salaam, Naibu Waziri wa Afya, Dk Florence Samizi, alisema Tanzania inakadiriwa kuwa na visa vipya vya saratani 44,931 na vifo 29,743 kwa mwaka.

Kuhusu saratani ya matiti, alisema nchini hukadiriwa kuwa na wagonjwa wapya 4,502 kwa mwaka, sawa na takribani asilimia 10 ya wagonjwa wote wapya wa saratani.

Dk Samizi alifafanua kuwa kati ya wagonjwa 10 wanaobainika kuwa na saratani nchini, mmoja huwa na saratani ya matiti.

“Takwimu hizi zinaifanya saratani ya matiti kuwa miongoni mwa magonjwa yanayoathiri wanawake nchini baada ya saratani ya mlango wa kizazi. Takwimu zinatukumbusha wajibu wetu wa kuwatumikia Watanzania ili kujenga ustawi wa maisha yao,” alisema naibu waziri huyo.

Wagonjwa wafika ugonjwa ukiwa juu

Akizungumza na Mwananchi kwa simu, daktari bingwa wa saratani wa Hospitali ya Taifa Muhimbili, Sarah Nyagabona, amesema wagonjwa wengi wanaofika hospitalini huwa na uvimbe mkubwa unaozidi sentimita tano, vidonda au saratani ambayo tayari imesambaa katika maeneo mengine ya mwili.

“Asilimia 86 ya wagonjwa hufika hospitalini wakiwa katika hatua ya tatu au ya nne, wakati ambao matibabu huwa magumu zaidi,” amesema.

Dk Nyagabona amesisitiza kuwa kubaini mabadiliko kwenye titi hakumaanishi moja kwa moja kuwa mtu ana saratani, hivyo kuwataka wanawake kwenda hospitalini kwa uchunguzi na kupata ushauri wa kitaalamu badala ya kuishi kwa hofu.

Amesema kuchelewa kutafuta huduma za afya husababisha baadhi ya wagonjwa kugundulika ugonjwa ukiwa katika hatua za juu, ambapo matibabu hulenga kudhibiti kuendelea kwa saratani, kupunguza maumivu na kuboresha maisha ya mgonjwa.

Kwa upande wake, Dk Advera Ngaiza wa Hospitali ya Taifa Muhimbili pia ametaja dalili zinazopaswa kuzingatiwa kuwa ni uvimbe kwenye titi au kwapani, mabadiliko ya ukubwa au umbo la titi, mabadiliko ya ngozi au chuchu, chuchu kuvutika ndani kwa namna isiyo ya kawaida na kutoka kwa majimaji yasiyo ya kawaida kwenye chuchu, hasa yenye damu.

“Saratani ya matiti inaweza kumpata mwanamke au mwanaume,” amesema huku akiwataka wananchi kuzingatia afya zao na kuwahi hospitalini wanapobaini mabadiliko yasiyo ya kawaida kwenye titi.

Serikali yaimarisha elimu

Dk Samizi amewataka wananchi kujifunza kuhusu saratani ya matiti na kuondoa hofu, unyanyapaa na dhana potofu zinazohusishwa na ugonjwa huo.

“Ninawaagiza wataalamu katika taasisi ya saratani na vituo vyote vya kutolea huduma za afya kuelimisha wananchi kuhusu ugonjwa huu. Wananchi wanapaswa kufahamu afya ya matiti yao na kutafuta ushauri wa kitaalamu mara wanapoona mabadiliko yasiyo ya kawaida,” amesema Dk Samizi.

Hivyo, ameviagiza vituo vya kutolea huduma za afya kuimarisha elimu, utambuzi wa mapema, mifumo ya rufaa na ufuatiliaji wa wananchi wenye viashiria vinavyotia shaka ya saratani ya matiti.

Aidha, amewataka waajiri katika sekta ya umma na binafsi kuanzisha na kuimarisha programu za elimu ya afya na uchunguzi wa magonjwa yasiyoambukiza, ikiwamo saratani, katika maeneo ya kazi.

Wanawake 45,068 wafanyiwa uchunguzi Tanga

Takwimu za huduma za afya mkoani Tanga zinaonyesha kuwa wanawake 45,068 wamefanyiwa uchunguzi wa awali wa matiti kati ya Januari na Agosti mwaka huu.

Kati yao, wanawake 1,457 wamebainika kuwa na matokeo yasiyo ya kawaida yaliyohitaji uchunguzi zaidi, huku 1,018 wakipata huduma za uchunguzi wa kina, zikiwemo vipimo vya picha na uchukuaji wa sampuli kulingana na mahitaji ya kitabibu.

Kiongozi wa Programu ya Uchunguzi wa Awali wa Saratani ya Matiti mkoani Tanga, Dk Rashed Suleiman, amesema historia ya ugonjwa huo katika familia ni miongoni mwa vihatarishi vinavyoweza kuongeza uwezekano wa mtu kupata saratani ya matiti.

Amesema mtu mwenye ndugu wa karibu, kama mama au shangazi, aliyewahi kuugua saratani ya matiti anaweza kuwa katika hatari kubwa zaidi ya kupata ugonjwa huo.

Ameeleza kuwa sababu za kurithi huchangia takribani asilimia tano ya wagonjwa wa saratani ya matiti, huku vihatarishi vingine vikiwa ni umri mkubwa, hasa kuanzia miaka 50, kuanza hedhi kabla ya kufikisha miaka 12 na kutokoma hedhi.

Dk Suleiman amesema ingawa saratani ya matiti huathiri zaidi wanawake, wanaume pia wanaweza kupata ugonjwa huo, wakichangia kati ya asilimia mbili na tano ya wagonjwa.

Post navigation

Previous: PENGO LA UJUMUISHAJI: Akaunti za wenye ulemavu ziko hatarini

Next: Nyuma ya pazia mabadiliko ya ratiba ya mitihani UDSM

Leave a Reply Cancel reply

Your email address will not be published. Required fields are marked *

Comment *

Name *

Email *

Website

Save my name, email, and website in this browser for the next time I comment.

Admin

Website https://thebongopost.online

Related Posts

Tanzania targets carbon cash from strategic projects

3 mins read

Tanzania targets carbon cash from strategic projects

Habari za Dharura

October 26, 2026 Admin0

3 mins read

Tanzania: Sauti Za Busara Unveils Line-Up, Moves Festival to March

Habari za Dharura

October 26, 2026 Admin0

Vyuo vinatafiti, Taifa linanufaika? | Mwananchi

8 mins read

Vyuo vinatafiti, Taifa linanufaika? | Mwananchi

Habari za Dharura

October 26, 2026 Admin0

Kuhusu Sisi
Sera ya Faragha
Sheria na Masharti
Wasiliana Nasi

News Express © 2026. All Rights Reserved.