Skip to content

site mode button

Kuhusu Sisi
Sera ya Faragha
Sheria na Masharti
Wasiliana Nasi

Search for:

Wakongwe wataka hatua dhidi ya rushwa CCM

5 mins read

Wakongwe wataka hatua dhidi ya rushwa CCM

Habari za Dharura

April 15, 2026October 23, 2026 Admin0

Dar es Salaam. Tuhuma za rushwa ndani ya Umoja wa Vijana wa Chama cha Mapinduzi (UVCCM), zimewaibua makada wakongwe wanaotaka kurejeshwa kwa misingi ya chama, kuimarishwa kwa mafunzo ya maadili na kuchukuliwa hatua kwa watakaobainika kujihusisha na vitendo hivyo, ili kukomesha tatizo hilo.

Kwa mujibu wa makada hao, tatizo linaanzia pale watu wanapotuhumiana hadharani kwa vitendo vya rushwa, lakini chama hakionekani kuchukua hatua, hali inayoweza kuathiri taswira ya taasisi nzima.

Baadhi ya makada hao wamekiri kuwepo kwa rushwa ndani ya chama hicho na nchini kwa ujumla, wakisisitiza kuwa tatizo hilo halipaswi kutamkwa kwa aibu, bali linapaswa kutafutiwa mbinu za kukabiliana nalo kuanzia kwenye mizizi yake.

Mitazamo hiyo ya wakongwe inakuja baada ya tuhuma za rushwa zilizoibuliwa na Mbunge wa Rufiji, Mohamed Mchengerwa, aliyesema Umoja wa Vijana wa CCM (UVCCM) mkoani Pwani umekithiri rushwa.

Kauli hiyo ya Mchengerwa, iliibua mnyukano kati yake na baadhi ya viongozi wa UVCCM, wakiwemo Katibu Mkuu wa jumuiya hiyo, Faris Burhan na Mwenyekiti Mohammed Kawaida, waliotaka uchunguzi kubaini uhalisia na kuchukua hatua.

Wapo pia waliotaka mijadala kuhusu rushwa isitoke hadharani, bali zifuatwe njia sahihi kwa mujibu wa taratibu za chama hicho kushughulikiwa, kama alivyoandika katika ukurasa wake wa Instagram, Mwenyekiti Kawaida.

Wakizungumza na Mwananchi kwa nyakati tofauti, wakongwe hao waliowahi kuhudumu nafasi mbalimbali ndani ya CCM na Serikali, wameeleza umuhimu wa kutafutwa mbinu ya kuikabili rushwa ndani ya chama hicho na Taifa kwa ujumla.

Hatua hazichukuliwi

Akizungumza na Mwananchi kuhusu hilo, Waziri Mkuu mstaafu, Frederick Sumaye amesema kinachoendelea kinathibitisha kuwa kuna tatizo la nidhamu ndani ya chama.

Ameeleza hilo linathibitishwa na yanayoshuhudiwa, watu wanatuhumiana hadharani na huoni hatua zinazochukuliwa dhidi ya wahusika.

“Zamani ukifanya hivyo kwa maana ya kushiriki vitendo vya rushwa utaona hatua zikichukuliwa,” amesema Sumaye ambaye pia amewahi kuwa mjumbe wa Kamati Kuu ya CCM kwa zaidi ya muongo mmoja.

Sumaye, amesisitiza pia umuhimu wa chama na makada wake kujua lipi linapaswa kuzungumzwa hadharani na lipi liishie ndani ya vikao bila kutoka nje.

“Tatizo lingine, inaonekana watu wanaleta mihemko ya uchaguzi kuzungumza mbele ya umma, hata yaliyopaswa kuzungumzwa vikaoni ndani,” amesema.

Amesisitiza chama kichukue hatua ili wengine waogope kujihusisha na vitendo vinavyoharibu tasira yake.

“Chama kilipaswa kuchukua hatua, mtu mmoja akibainika kutenda kosa kama hilo, achukuliwe hatua, wengine wote wangekuwa wanaufyata,” amesema.

Amesema iwapo vitendo hivyo vitaachwa viendelee kuzungumzwa kwenye majukwaa bila hatua kuchukuliwa, taswira ya chama itaharibika mbele ya wananchi.

Kwa upande wake, kada na kiongozi wa zamani wa CCM, Kate Kamba amesema suala rushwa lipo wala si jambo la kutamka kwa kulionea aibu, muhimu likomeshwe.

Hata hivyo, amesema rushwa si kwamba ipo kwa jumuiya ya vijana ya chama hicho pekee, bali ni nchi nzima na kunahitajika hatua kukabiliana nayo.

Akizungumzia kauli ya Mchengerwa, mwanasiasa huyo, amesema alichozungumzwa ni mawazo yake na pengine mzungumzaji ana uhakika na ushahidi wa alichozungumza.

“Ile sio tuhuma, inaonekana ni mtu aliyezungumza ana ushahidi, alikuwa nalo moyoni limejaa sasa limepasuka na sioni cha ajabu. Kama amezungumza hadharani nao wamjibu hadharani,” amesema.

Amesisitiza suala la rushwa halijaishia kwa CCM pekee, lipo vyama vingine na nchini kwa ujumla, jambo muhimu ifundishwe kuanzia shuleni, watoto wajue hatari yake.

“Rushwa ipo wala sio uongo na tusione aibu kusema huu ukweli. Lakini tuanze kuwafundisha watoto wakiwa shuleni, waelewe hatari ya rushwa. Hii itatusaidia kuikabili,” amesema Kate aliyekuwa Mwenyekiti wa CCM Mkoa wa Dar es Salaam.

Chama kimeacha misingi

Akizungumzia hilo, Mwanasiasa mkongwe, Paul Kimiti amesema tatizo la rushwa ndani ya vyama vya siasa limetokana na kuachwa kwa misingi ya uadilifu iliyokuwa ikisisitizwa wakati wa kuanzishwa kwa Tanu na baadaye CCM.

Amesema awali, wanachama waliapishwa mbele ya umma kutotoa wala kupokea rushwa, huku wakipatiwa semina zilizolenga kuwajengea uelewa kuhusu misingi ya chama, ikiwemo kupinga vitendo hivyo.

Hata hivyo, amesema utaratibu huo ulianza kupotea baada ya vyama kuanza kupokea wanachama bila kuwaapisha wala kuwapatia mafunzo ya msingi kuhusu maadili na uadilifu.

Ameeleza kuwa kuongezeka kwa vyama vya siasa kumechangia hali hiyo, kwa kuwa kila chama kinashindana kupata wanachama wengi bila kuzingatia vya kutosha uwezo na uadilifu wao.

“Ikaonekana watu wanakimbilia nani atakayepata wanachama wengi na vyama vikaona ukitumia misingi ya zamani utakosa wafuasi,” amesema.

Kimiti, amesema hali hiyo imefanya vyama kujivunia wingi wa wanachama badala ya kujenga makundi ya watu wenye uwezo, maadili na wanaozingatia misingi ya haki.

Amesema uongozi unapaswa kujengwa katika misingi ya watu na kutenda haki, lakini kupungua kwa mafunzo ya maadili kumechangia misingi hiyo kutowekwa tena katika nafasi yake.

Ameongeza kuwa kwa sasa, uwezo wa kuzungumza mbele ya umma unaonekana kupewa uzito kuliko uadilifu, jambo linaloweza kuwafanya baadhi ya viongozi kubadilika kulingana na mazingira.

“Misingi tumeiacha, ndiyo sababu. Hatuwezi kufika mahali popote hata viongozi tukisema watu wasitoe rushwa, wakati sisi wenyewe ni wa kwanza kutoa rushwa,” amesema.

Post navigation

Previous: Tanzania: Pamoja 2027 – Baba Deserves the Bigger Chicken

Next: Government targets 625,000 households in universal coverage’s second phase

Leave a Reply Cancel reply

Your email address will not be published. Required fields are marked *

Comment *

Name *

Email *

Website

Save my name, email, and website in this browser for the next time I comment.

Admin

Website https://thebongopost.online

Related Posts

3 mins read

Tanzania: TBs Warns Traders Ahead of New Energy Efficiency Rules

Habari za Dharura

October 28, 2026 Admin0

Court frees Polish man and his Tanzanian wife jailed for 30 years over cannabis

6 mins read

Court frees Polish man and his Tanzanian wife jailed for 30 years over cannabis

Habari za Dharura

October 28, 2026 Admin0

4 mins read

Kenya: Court Urged to Compel Security Agencies to Produce Missing Tanzanian Activist

Habari za Dharura

October 28, 2026 Admin0

Kuhusu Sisi
Sera ya Faragha
Sheria na Masharti
Wasiliana Nasi

News Express © 2026. All Rights Reserved.