Skip to content

site mode button

Kuhusu Sisi
Sera ya Faragha
Sheria na Masharti
Wasiliana Nasi

Search for:

Dodoma kujenga soko jipya la wamachinga, kugharimu Sh2 bilioni

3 mins read

Dodoma kujenga soko jipya la wamachinga, kugharimu Sh2 bilioni

Habari za Dharura

October 28, 2026 Admin0

Dodoma. Halmashauri ya Jiji la Dodoma imeanza mchakato wa kujenga soko jipya linalotarajia kugharimu Sh2 bilioni kwa ajili ya wafanyabiashara wadogo (wamachinga) ambao hawana maeneo rasmi ya kufanyia biashara zao, hali inayowalazimu kufanya shughuli hizo katika maeneo yasiyo rasmi.

Hatua hiyo inalenga kukabiliana na changamoto ya wafanyabiashara ikiwamo kuvamia maeneo ya wazi na kwenye maeneo ya taasisi za umma na binafsi.

Hayo yameelezwa na Ofisa Habari wa Jiji la Dodoma, Denis Gondwe, hivi karibuni, wakati akifafanua kuhusu mkakati wa jiji hilo kumaliza changamoto ya uvamizi wa maeneo ya kufanyia biashara unaofanywa na baadhi ya wamachinga.

Mradi huo huenda ukawa sehemu ya suluhisho baina ya uongozi wa jiji, wanasiasa na wamachinga ambao kwa siku za hivi karibuni wamekuwa wakijikusanya na kutafuta maeneo ya wazi ili wagawane, lakini polisi huingilia kati kwa kuwatawanya.

Gondwe amesema soko hilo jipya litajengwa nyuma ya Soko la Machinga, mpaka kufikia sasa halmashauri hiyo iko katika hatua ya utambuzi na ulipaji wa fidia kwa wenye makazi katika eneo hilo ili wapishe kwa ajili ya ujenzi wa soko hilo.

Eneo linapotarajiwa kujengwa soko hilo ni Mtaa wa Bahi Road, mahali yanaposimama magari ya vijijini kwa ajili ya kushusha mizigo, eneo ambalo hata hivyo wenyeji wamebaki wachache kuwa nyumba nyingi zilishauzwa kwa wafanyabiasha.

“Kwa Halmashauri ya Jiji la Dodoma, usalama wa machinga ni kipaumbele chetu, tuna bajeti ya Sh2 bilioni kwa ajili ya kujenga soko jingine litakalotumiwa muda mrefu na wafanyabiashara wadogowadogo, tunalenga kubadili changamoto ili ziwe fursa,” amesema Gondwe.

Hata hivyo, ametoa onyo kwa wafanyabiashara wanaendelea kufanya shughuli zao katika maeneo yasio rasmi ikiwamo mbele ya taasisi za umma na binafsi, karibu na mitaro ya kupitisha maji taka na maeneo yalitengwa kwa ajili ya waenda kwa miguu, huku akiwataka waondoke mara moja.

Amesema changamoto ya kukosa maeneo ya kufanyia biashara kwa wamachanga itashughulikiwa na halmashauri ya jiji hilo kwa kushirikiana na uongozi wa wamachinga ambao utawapatia maeneo ya muda huku wakisubiri kukamilika kwa soko hilo jipya.

Akizungumzia mradi huo, Mwenyekiti wa Wamachinga Mkoa wa Dodoma, Christian Msumari ameiomba Serikali kutafuta suluhisho la haraka la eneo la muda mfupi litakalotumiwa na wafanyabiashara hao katika kipindi hiki wanachosubiri kukamilika kwa ujenzi wa soko hilo, ili kuondoa sintofahamu baina ya wafanyabiashara hao na Serikali.

Msumari amewaomba wamachinga kuendelea kuwa watulivu na kuacha kujitokeza katika maeneo ambayo hawajaelekezwa kufika wakilenga kupatiwa maeneo hayo kwa ajili ya biashara zao.

Naye, Nasra Ally mfanyabiashara mdogo jijini Dodoma, amesema ujio wa soko hilo utawaondolea changamoto ya kuharibika kwa bidhaa zao wakati wa msimu wa mvua kama ilivyo sasa huku ukiwahakikishia usalama wa bidhaa zao.

“Wakati mwingine matundu yanaharibika, kwa kunyeshewa na mvua kwa sababu hakuna eneo la kujikinga wakati huo, lakini pia kuna kuibiwa wakati wa usiku kutokana na maeneo tunayofanyia shughuli zetu kwa sasa kutokuwa na ulinzi,” amesema Nasra.

Post navigation

Previous: Wanasiasa wanavyotumia mgomo wa kula kushinikiza haki, uwajibikaji

Next: Aga Khan urges Tanzanians to prioritise health checks ahead of festive season

Leave a Reply Cancel reply

Your email address will not be published. Required fields are marked *

Comment *

Name *

Email *

Website

Save my name, email, and website in this browser for the next time I comment.

Admin

Website https://thebongopost.online

Related Posts

1 min read

Tanzania: Kilimanjaro Boxing Bonanza Draws Huge Crowd

Habari za Dharura

October 28, 2026 Admin0

…Kamati yatilia shaka baadhi ya maeneo, yashauri

2 mins read

…Kamati yatilia shaka baadhi ya maeneo, yashauri

Habari za Dharura

October 28, 2026 Admin0

Samia ataka jumuiya za kiraia kuimarisha ulinzi wa maadili ya Taifa

4 mins read

Samia ataka jumuiya za kiraia kuimarisha ulinzi wa maadili ya Taifa

Habari za Dharura

October 28, 2026 Admin0

Kuhusu Sisi
Sera ya Faragha
Sheria na Masharti
Wasiliana Nasi

News Express © 2026. All Rights Reserved.