Skip to content

site mode button

Kuhusu Sisi
Sera ya Faragha
Sheria na Masharti
Wasiliana Nasi

Search for:

Chadema yamwandikia Ruto kuhusu Mwaipaya

3 mins read

Chadema yamwandikia Ruto kuhusu Mwaipaya

Habari za Dharura

October 27, 2026 Admin0

Dar es Salaam. Chama cha Demokrasia na Maendeleo (Chadema), kimemwandikia barua Rais wa Kenya, William Ruto kikimwomba aingilie kati suala la kutekwa kwa kada wake, Twaha Mwaipaya.

Taarifa ya kutekwa kwa Mwaipaya zilianza kusambaa katika mitandao ya kijamii Oktoba 25, 2026, zikidai amechukuliwa na wasiojulikana katika eneo la Kamulu, Kaunti ya Machakos, nchini Kenya.

Asasi mbalimbali za kiraia zimetoa wito wa kushinikiza hatua za haraka zichukuliwe ili kumpata Mwaipaya, zikiisihi Serikali ya Kenya kuingilia kati.

Tayari Serikali ya Tanzania na Kenya, zimeshatangaza kufuatilia tukio hilo, huku hadi sasa haijabainika ni watu gani walimteka.

Akizungumza na Mwananchi kwa simu jana Jumatatu kwa simu, Balozi wa Tanzania nchini Kenya, Dk Bernard Kibesse alisema wanafuatilia madai ya kutekwa kwa Mtanzania huyo.

“Bado taarifa ya tukio hilo hatujazipata, hivyo tunazifuatilia,” amesema.

Naibu Waziri wa Mambo ya Nje na Ushirikiano wa Afrika Mashariki, anayeshughulikia masuala ya Afrika Mashariki, James Millya ameiambia Mwananchi leo Jumanne Oktoba 27, 2026, kuwa Serikali itato mrejesho pindi ikipata taarifa rsmi za kutekwa kwa Mwaipaya. “Nipo nje ya nchi, nitalifuatilia na tutawaeleza,”amesema.

Uamuzi wa Chadema kumwandikia Rais Ruto barua, umetolewa leo Jumanne, Oktoba 27, 2026 na Katibu Mkuu wa Chadema, John Mnyika, alipozungumza na waandishi wa habari baada ya kikao maalumu cha Kamati Kuu kilichofanyika kwa njia ya mtandao.

Amesema barua hiyo imewasilishwa katika Ubalozi wa Kenya nchini Tanzania ili imfikie haraka Rais Ruto, akieleza kuwa suala hilo ni miongoni mwa mambo yaliyojadiliwa na Kamati Kuu ya chama hicho.

“Leo (Oktoba 27, 2026) Katibu Mkuu wa Chadema (Mnyika) amemwandikia barua rasmi Rais William Ruto na imewasilishwa ubalozi wa Kenya nchini kumfikia haraka achukue hatua kuhusu Mwaipaya kwa masilahi ya demokrasia,” amesema.

Maombolezo siku saba

Katika hatua nyingine, Chadema imetangaza siku saba za maombolezo na kumbukumbu ya waliouawa katika matukio ya Oktoba 29, 2025, kikitaka uchunguzi huru, fidia kwa waathirika na uwajibikaji wa waliohusika.

Amesema uamuzi huo ni sehemu ya maazimio ya kikao maalumu cha Kamati Kuu ya chama hicho kilichofanyika kwa njia ya kidijitali, kuhusu maandalizi ya kumbukumbu za mwaka mmoja tangu matukio hayo.

Amesema Chadema itaendelea kudai uchunguzi huru kuhusu mauaji ya Oktoba 29, 2025 na siku zilizofuata, utakaohusisha vyombo vya kitaifa na wadau wa kimataifa ili kubaini ukweli na kuhakikisha uwajibikaji.

Pia, chama hicho kimetaka majeruhi na familia zilizopoteza wapendwa wao zilipwe fidia ya haki na toshelevu, huku kikitaka mali za waliohusika na vitendo hivyo zitaifishwe ili kufidia madhara yaliyosababishwa.

Mnyika, amesema Novemba 3, 2026, Chadema kitaandaa kumbukumbu na maombolezo maalumu, ambapo mishumaa itawashwa kuwakumbuka waliouawa katika matukio hayo.

Katika siku hizo saba, amesema chama kitashirikiana na familia zitakazokuwa tayari kuwatembelea waathirika, wakiwemo waliofiwa na waliopata ulemavu, kwa lengo la kuwapa faraja na kuonyesha mshikamano.

Amewaelekeza viongozi wa Chadema katika ngazi zote kuandaa shughuli za maombolezo na kushiriki pamoja na waathirika hao. Pia amewahimiza wanachama na wadau kuvaa nguo nyeusi au kufunga vitambaa vyeusi au vyeupe mikononi.

Mnyika, amesema chama hicho kimepongeza taasisi za dini zilizo chini ya Baraza la Maaskofu Katoliki Tanzania (TEC) na Jumuiya ya Kikristo Tanzania (CCT) kwa kutangaza misa na ibada maalumu za kuomboleza.

Amezitaka taasisi nyingine za dini kuandaa dua kwa ajili ya kuwaombea waathirika na Taifa, huku viongozi wa kitaifa, mabaraza na kanda wakihimizwa kushiriki misa na ibada hizo.

Post navigation

Previous: Gwajima aonya wanaosambaza video za wahitimu mitandaoni

Next: Rais Samia apongezwa kufanikisha mkutano wa IPU Arusha

Leave a Reply Cancel reply

Your email address will not be published. Required fields are marked *

Comment *

Name *

Email *

Website

Save my name, email, and website in this browser for the next time I comment.

Admin

Website https://thebongopost.online

Related Posts

Kabudi aagiza watumishi waachie majengo ya kupanga, waende Mtumba

1 min read

Kabudi aagiza watumishi waachie majengo ya kupanga, waende Mtumba

Habari za Dharura

October 27, 2026 Admin0

Mchengerwa: Ubora wa dawa hautashushwa kwa ajili ya uwekezaji

5 mins read

Mchengerwa: Ubora wa dawa hautashushwa kwa ajili ya uwekezaji

Habari za Dharura

October 27, 2026 Admin0

Bibi Lotuno, miaka 104 ya maisha vizazi vinne vya familia

4 mins read

Bibi Lotuno, miaka 104 ya maisha vizazi vinne vya familia

Habari za Dharura

October 27, 2026 Admin0

Kuhusu Sisi
Sera ya Faragha
Sheria na Masharti
Wasiliana Nasi

News Express © 2026. All Rights Reserved.