Skip to content

site mode button

Kuhusu Sisi
Sera ya Faragha
Sheria na Masharti
Wasiliana Nasi

Search for:

Mahakama Kuu Kenya yaamuru Mwaipaya apelekwe akiwa hai au amekufa

2 mins read

Mahakama Kuu Kenya yaamuru Mwaipaya apelekwe akiwa hai au amekufa

Habari za Dharura

October 30, 2026 Admin0

Nairobi. Mahakama Kuu ya Kenya Jijini Nairobi, imemwagiza Inspekta Jenerali wa Polisi (IGP) na vyombo vingine vya usalama nchini humo, kuhakikisha wanamfikisha mahakamani, Mtanzania Twaha Mwaipaya, akiwa hai au amekufa.

Uamuzi huo umetolewa leo Ijumaa Oktoba 30, 2026, na Jaji Alexender Muteti aliyesikiliza maombi ya dharura yaliyofunguliwa na Taasisi ya Vocal Africa, Jaji huyo ameagiza Mwaipaya afikishwe kortini Novemba 2, 2026, saa 5:00 asubuhi.

Mwaipaya anadaiwa kutekwa na watu wasiojulikana waliokuwa katika magari matatu, moja likiwa ni Toyota Landcruicer Hardtop, Jumapili ya Oktoba 25, 2026, katika eneo la Kamulu, kaunti ya Machakos, karibu na Jiji la Nairobi.

Mwaipaya ambaye ni mwanaharakati na kiongozi wa Chama cha Demokrasia na Maendeleo (Chadema), alikuwa akisafiri na taksi kwenda kusalimia rafiki zake ndipo alizuiwa na watu hao na wakaondoka naye.

Tangu kutekwa kwake, jitihada za kumtafuta zimefanyika zikishirikisha Shirika la Amnesty International tawi la Kenya, wanaharakati na Chadema lakini hazijazaa matunda hadi kufikia sasa na hajulikani alipo na katika hali gani.

Hii ndio iliifanya taasisi ya Vocal Africa kwa kushirikiana na mashirika mengine ya kutetea haki za Binadamu nchini Kenya, kufungua maombi hayo Mahakama Kuu kwa hati ya dharura dhidi ya IGP na watu wengine 13.

Katika uamuzi wake alioutoa leo Oktoba 30, 2026, Jaji Muteti amesema Maombi yaliyowasilishwa kwa njia ya Chambea (chamber summons), Oktoba 27, 2026, yanathibitishwa hapa kuwa ya dharura.

“Wajibu maombi namba 1, 2 na 3 wanaamriwa hapa, wao wenyewe au kupitia maofisa wao walioteuliwa ipasavyo, kumleta Twaha Mwaipaya akiwa hai au amefariki mbele ya mahakama hii Novemba 2 saa 5:00 asubuhi,” amesema.

Katika amri hiyo, Jaji ameagiza wajibu maombi hao wafika mahakamani siku hiyo wakiwa na hati halisi ya kuzuiliwa kwake na kueleza sababu kwa nini mtu huyo asiachiliwe huru mara moja kutoka kizuizini anakoshikiliwa.

“Kwamba mjibu maombi wa 5 na 6 wanaamriwa kufika mbele ya Mahakama kueleza kwanini Mwaipaya alikamatwa, kushikiliwa mahabusu na kwanini asiachiliwe mara moja kutoka mahabusu,” inasisitiza amri hiyo.

“Kwamba wajibu maombi na wote wenye maslahi, wakabidhiwe maombi hayo pamoja na amri ya mahakama kabla ya muda wa kazi kwisha (leo),” amesema.

Wajibu maombi katika maombi hayo mbali na IGP Kenya, ni Nationa Police Services, Mkurugenzi wa Upelelezi Makosa ya Jinai (DCI), Mkugenzi Mkuu wa Idara ya Usalama (NIS) nchini Kenya.

Wengine ni Mkuu wa Kituo (OCS), Kituo cha Polisi cha Ruai na Mwanasheria Mkuu wa Serikali (AG) wa Kenya pamoja na mashirika mengine ya kutetea haki za binadamu yenye kudai kuwa na maslahi ya maombi hayo.

Post navigation

Previous: Africa: Can Russia-Africa Summit Deliver Jobs, Trade and Investment?

Next: Waliohukumiwa maisha kwa kusafirisha heroini walivyoachiwa

Leave a Reply Cancel reply

Your email address will not be published. Required fields are marked *

Comment *

Name *

Email *

Website

Save my name, email, and website in this browser for the next time I comment.

Admin

Website https://thebongopost.online

Related Posts

Wahitimu wagombania msichana, mmoja atuhumiwa kumuua mwenzake

2 mins read

Wahitimu wagombania msichana, mmoja atuhumiwa kumuua mwenzake

Habari za Dharura

October 30, 2026 Admin0

Kilomita 59 za lami zajengwa Mji wa Serikali Mtumba

1 min read

Kilomita 59 za lami zajengwa Mji wa Serikali Mtumba

Habari za Dharura

October 30, 2026 Admin0

Kutoka wazo hadi uhalisia, safari ya miaka 53 yatimia

6 mins read

Kutoka wazo hadi uhalisia, safari ya miaka 53 yatimia

Habari za Dharura

October 30, 2026 Admin0

Kuhusu Sisi
Sera ya Faragha
Sheria na Masharti
Wasiliana Nasi

News Express © 2026. All Rights Reserved.